Trobada d’Aguerro en Artieda: Continamos Vivindo en Aragonés:
A propuesta ye fer una trobada d’un cabo de semana de chent que l`agane d’amillorar l’aragonés oral. Queremos chuntar-nos entre totz pa fer unas chornadas en do aprendamos los unos de los otris a charrar un millor aragonés. La idea ye de creyar ixos días un ambient do l’aragonés siga a sola luenga de comunicación entre nusatros pa fer posible vivir en aragonés.
Por ixo feremos a trobada en un lugar aragonesofablant. En la zaguera edición estiemos mientres cuatro intensos días en Chistén en la Val de Chistau, visto o buen ambient que se i creyé hemos decidiu organizar una segunda más curteta en aguerro. En ista nos en imos ta Artieda, lugar en do bi ha un grupet de chent que ye recuperando la luenga en istos zaguers anyos.
En as ciudatz los neofablants aprenden aragonés y se troban con que saben una luenga que no pueden charrar: belún lo charra con la chent que ha conoxiu en os cursetz, belatro lo escribe per internet, los mosicos fan cantas y los escritors escriben… pero no bi ha continidat, encara que por cada anyada más de 450 presonas lo estudeen, d’ístas, ¿quantas lo emplearán en a suya vida cutiana? A realidat ye que poquetas. Cal vivir en aragonés, muita chent ya lo fa, y a atras les cuacaría pero les puet a vergüenya y a miedo… por ixo ye important entre totz fer pacha pa construir espacios en do charrar, chugar y vivir en aragonés!
I sotz totz convidaus!
– Viernes 14:
– Sabado 15:
– Domingo 16:
– Aloix: A organización mete a disposición un cubillar con cambras colectivas a 10 euros por cada nueit.
– Birolla: Se ferán en o restaurant d’o lugar, a un pré aproximau de 10 euros por cada chenta.
– Transporte: Saldrán autos dende Zaragoza e Irunya, hetz un auto línea que sale lo viernes a las 9.15 de Chaca y plega a las 10 a Artieda.
En total o cabo de semana sale por arredol de 45 euros en pensión completa.
Pa meter-se en contacto con a organización escrivir a ista adreza de correu: anchelreyes@gmail.com
]]>